冇題

周六與友茶聚，解開了一個疑團：報攤常見的騎呢六合彩書「白小姐特碼」，是佢老細攪的，一如所料以內銷大陸為主，由於老細自己有印刷廠，故唔介意印多d放hk賣，但在hk，自由行與台灣人或有興趣，本地人嘛，幾難會咁笨。但大陸又笨又貪的人多的是，所以，佢老細執唔少。

之後去太子的魚檔街睇龜，大巴西龜，$50-$80，又想養，又想買來放生。巴西龜真的好可愛，不過臭d。

美洲盃，阿根廷卻讓已煮熟的巴西龜逃走了。

睇探索頻道，講李小龍，訪問佢徒弟木村、丹伊魯山度。原來小龍生前只曾授權三名弟子傳授截拳道，其一已去世，餘下就是這兩位，至今仍設館。又有一位受訪者云，截拳道之義理，可說是最內斂之武學，小龍在銀幕上的驚人表演，很大程度，只為引起觀眾之興趣，有興趣才會深究，深究才會真正了解他的武術觀。電影，對小龍來說，只是工具。

飛天朱退選（當然不是自願），有點戥佢慘。對佢有點好感，因為佢當年養隻馬叫豬小姐，幾準繩架。此馬是馬仔，並非馬女。

老廉，真係攪笑，成隊黑衣人西口西面咁，把鬼？餐餐玩高調，卻經常雷大雨小。睇得無間道多，以為黑衫好Q型呀？挑。