太極旗飄揚

韓國人拍給韓國人看的韓戰電影，除非你是韓國人，又除非你打過韓戰，又除非你係元斌或張東健fans，不然，就毫無必要看，我嘛，陪坐了兩個半鐘，都幾酷刑。

都有少少啟示o既。其實，唔算啟示，因為一早知，不過睇完感覺更加強烈：只要上得戰場，無論你是否自願上，都唔該，唔該，唔該，唔好再咁婆媽，唔好咁怕死，唔好見殘肢就驚，唔好見同伴死傷就落淚，唔好成日諗幾時返得屋企，對家人無謂思念，對敵人唔好手軟，傷到人不似人的同僚不妨一槍給佢來個痛快（自己傷時亦然），同僚死左仲要葬佢就更加係多x餘。上戰場，已經夠慘，仲要忍受同僚們的婆媽，是慘上加慘。

戰場，就是抿滅人性的地方，參與得遊戲（無論是否自願），就唔該遵守遊戲規則，忘記自己的人性，忘記自己係個人。不然，只會更加痛苦。