無間2

看了無間道2，係，昨夜才看。感覺，非常正，遠比一般的江湖有質感，和簡單直接。吳鎮宇，真係做得好好。未看3，也多數不會看，反正2是幾獨立成篇的故事。遠勝1，人物描寫遠比1紮實和立體，而3整體也不可能勝過2。

唔想睇3，因為對懶有氣勢咁講國語的陳道明冇興趣，對懶委屈的梁朝偉冇興趣，對黎明冇興趣，對唔露腿的kelly亦冇興趣。

蒙嘉慧只得分零鐘出鏡，但真係好吸引。有種女人，不笑比笑吸引，憂愁比愉快吸引，她正是這類。

久違的何家駒，演四大佬之一的國華，以前覺得佢似倪匡，但而家覺得佢勁似毓民。一路睇，一路想，如果毓民做佢個角色，就真係正爆，大家下次睇番時，不妨留意下、想像下，真係好似架佢地。