我愛蛋蛋

睇pk寫蛋，睇到口水直流。碰巧這兩天蛋癮甚高，午餐也打算吃芙蓉蛋反！若我有日吃素，大概每餐都會食蛋。
蛋，真係食極都唔厭。食蠔餅，我係為蛋多過蠔，蛋炸得極香口，加上蠔味，天下絕品！荷包蛋，而家d蛋冇細個d咁有味，當年一啜成個蛋黃入口，其鮮美簡直是毒品。「華香雞」有荷包蛋，廿皮四隻，煎得幾有心機，蛋味就ok咁啦，比下有餘。
仲有茶葉蛋，鹵水蛋！出油咸蛋，撈飯至正，裹蒸粽內的咸蛋是精華所在，竹升麵也加入咸蛋黃，永華d麵簡直充滿咸蛋味。
甜品，更少不了蛋，你話蛋幾重要！仲有蛋卷，北角德成號的蛋卷，全港最佳，未試過一定要試。雞蛋仔，北角又係有檔好出名，話用北京蛋喎，去開一併食埋喇！