瑞典打來一無是處，恥辱性地出局，墨西哥則不自量力去硬拼，自以為老謀深算，咪一樣死直。睇波咁多年，墨西哥有幾多料唔通唔知咩！要爆是天慌夜譚，不過與旁証順手攪死埋所有上盤客，益晒莊家，吹漲。

阿根廷仍未出盡全力，80分鐘才換入美斯計算精確，偏偏靚絕入球被吹掉，尤幸加時早段已奠勝，額外耗力不多。下場對如狼似虎的主辦國，點都冇得再留。五五之爭，但若打和要互射點球，射贏德國機會極低，所以許勝不許和。有好戲睇了。

雲巴士頓前鋒出身，揀前鋒卻完全唔掂，令人失望，自己全場在場邊得個睇字，也未免太儒雅。葡軍下仗少了誰也不是問題，反正對英軍都是鬥磨鬥耐性之局，當然亦順便考驗球迷耐性。

意大利當然應該晉級，澳洲亦有晒交待，波膽、大細買親的人都會中，讓球走盤，托迪開齋，一切均皆大歡喜。意大利線路好走，一於小注冠軍。

瑞士一球不失下出局，兩年後的歐國盃還有主場之利，可能走得更遠，球迷有難矣。

今晚西班牙對法國，百份之二百希望前者晉級，但相信又唔會咁易！法國攻唔得卻仲守得o下，捱得過小組賽，保守可能反成了本錢。