—費達拿始終闖不過泥地王拿度。但人無完人，既已肯定是一代球王，能否贏盡一切也不太重要了吧！

—廢柴CC斷腳，對法國來說無損失，利記卻大X鑊。難得還可以賣幾百萬鎊，如今渣都無，仲要蝕埋人工俾佢。幾心涼。

—第一魚腩原來唔係魚腩；第二魚腩更出線在望！這兩隊驚喜定驚嚇，前者體力無窮，後者居然打出主場水準。不過波蘭又實在太雞。上屆外圍賽表現奇佳，小組賽亦打得不俗卻飲恨；今屆仍拍住英格蘭輕易出線，暫時卻一滴都無。

—於是英格蘭若夠賤的話，大可連和兩場出線，一樣有機會首名。巴拉圭一個烏龍令該場即時完結，瑞典被逼和亦令此組可觀性降至極低。

—德國果然是有前冇後，打死罷就，夠晒坦蕩蕩。毓民話下半場一定要執執條防線喎，大佬，執左年幾都未執掂，中場十五分鐘執得d乜？

—聽口氣，已知毓民被千里達重創。今晚仲唔見埋…

—科特迪瓦，老土都要講句：輸晒經驗。自恃有實力，於是不求穩先求功，被老練的阿國輕取。

—荷蘭對塞黑，首場歐洲對歐洲，幾好睇。雲佬完全隱形，尹巴士頓又不選阿積士的熱爆新星，中鋒無人，不過今場用洛賓已夠殺，雲佩斯亦留以有待。一如英軍，未見真章。

—聽晚美國對捷克，係時候出手。