馬不停蹄，淘汰賽殺到埋身。蘋果波經有個叫畢傑的，睇幾次都貼乜死乜，今日買左阿根廷至醒起未睇佢，好彩，佢貼德國。德國嘛，應該晉級，但未必能在法定時間解決瑞典，後者若有心玩龜縮是可以遠比巴拉圭更龜。

阿根廷則對手完全不同班，盡快了事以保留體力才是上算。今屆至今賽果非常正路，未來則實力越加接近，沒有甚麼好賭了。

克羅地亞對澳洲賽前，在上報見何輝寫此隊波對日本一役有古怪。該場沒看，但對澳洲之戰細心留意下，嘿嘿，原來如此！難為傳媒還歸功希丁克。能晉級只是假象，下仗對意大利篤定出局。

巴西少了真正毒瘤阿祖安奴，以及老邁的卡富、艾馬臣下，打出相當水準，雖然對手只是日本。對加納會幾有趣，若上述三人復出，咪話唔驚。

計漏了美國一點，原來不懂打逆境波。上屆打得漂亮的三場皆是領先在先，今屆落筆打三更全程逆境，on99毫無脾氣出了局。

奧雲受傷，慣事，冇乜所謂，高治都仲有個高字，佢今屆有乜？不過係時候俾禾確特試試腳了。

史高拉利確實厲害，葡軍有餘未盡，對荷蘭有得打喎，何解會受讓？這場歐洲大戰絕對精采。

nba，小馬原來火併完馬刺太陽兩大勁旅後，已油盡燈枯，離開主場後散晒，被如日中天的閃電直搗黃龍。閃電係勁，但想起獲加的咀臉，唉，寧願係馬刺當日臉勝再奪冠了。