應歌生之邀，每隊都寫o下。當然，有幾求其得幾求其。
葡萄牙，高峰當然已過，勝在有個好教練，未敢太睇低，小組坐二望一。

塞黑眾所周知，有後無前，小組對手雖強，守力卻是四隊第一。塞與黑即將分離，未知有否影響。

突尼西亞加納安哥拉多哥，加埋只識一件唔識射門的艾辛。

德國，十六強已要面對考驗，後防雖差，大勇列文尚可補救多少。

瑞典，勝在有拿臣！為爭首名隨時在首兩戰盡數，一次於買十蚊拿臣拿金靴。

瑞士，除了主洲，一無是處。
澳洲球員甚多英超客，亦有半個主洲之利，加上希丁克，次名有機。

英格蘭，艾歷臣一向被低估，上屆僅負巴西，兩年前歐戰敗於肥仔傷出。可惜如今肥仔仍難寄望，加上門將級數太低，要捧盃大概要到下次主場。

捷克，普波斯基都仲有得打？唉。

科特迪瓦，似乎係非洲隊中最對辦。

厄瓜多爾，第二魚腩。

阿根廷，唔多識講，總之小組出局不奇。

墨西哥，超級悶蛋。

巴拉圭，超特級悶蛋。

意大利，逃離查柏老鬼魔掌後，不懼任何對手，個人冠軍之選。

烏克蘭，外圍賽能拋離丹麥土耳其希臘，小組一支獨秀，抵買。

伊朗，攻力不俗。

哥斯達黎加，可惜冇鄭兆聰。

荷蘭，冠軍次選。尹巴士頓上任後，已不能用以往零心理質素的那隊來比較。

克羅地亞，有兩腳。

南韓，入球能力太低。

法國，據說上場熱身，棄查斯古特而給亨利更大自由度效果甚佳。果如是，要調高評級。有待觀察。

美國，愛隊，小組次名。

沙特阿拉伯，點解屆屆都有份？

西班牙，講都o徙氣。買佢小組出局。

波蘭，拍住鄰國入次圈。

日本，一向師承巴西，薜高上任後更名正言順，卻好睇唔好食。希丁克的全程緊迫應可收死佢地。

巴西，等睇佢出局，希望等倒。

千里達，第一魚腩。

講埋神射手：初選韋拿，放棄，後選東尼，雖通常不會是咁揚的奪走，但仍有20倍，一試無妨。再向賠率及第一魚腩的對手埋手，小注50
倍高治、35倍拿臣。