仆街！小馬加時輸一分，吹漲。幸而仲有兩場主場，只要勝出第一仗，次仗等於一場過定生死，優勢會一面倒返回主隊。當然世事無絕對，尤記得四年前又是世盃前夕，如日中天的湖人正是在與帝王的冠軍前哨戰第七戰作客贏波。馬交還竟然是湖人讓分呢！不過，不信熱火有此能耐。

加納做了我以為上次美國會做的事，輕易收死捷克。其實捷克兩次表現雲泥，不過是因為一場早入、一場早失而已！並非忽然失常。

不過今場被扯到乾晒，下場危矣！意大利應會力求取勝避巴西。買了小組一二名意美、美意仍在吊命，唯一告慰。

廢柴基士文、茅柴杜奧巴齊停賽，玩過兩場，算是不枉球員生涯了。下場對碰，又係邊個講波佬唔好彩？

巴西首仗飽受抨擊，笑話是輸給他們的克國反而被吹捧，對日本廣受看好。若真是打得好，又點解會輸波？應該贏埋啦！巴西並不是甚麼不可擊倒的球隊。街坊看法，總是天真又簡單。果然克國根本無力贏日本。

但克、日和波，卻令緊接的巴澳可觀性大減，皆因巴西只要多取一分便肯定出線！看戰況，根本無心贏波，第一球對方送禮阿祖空晒無法不入，第二球更只是錦上添花，反之澳洲機會多的是。

至於英格蘭打得如何？第一場對手太水自然求求其，第二場，喂，千里達唔係講笑架，換著德國，隨時輸埋喇。o黎緊點，始終係睇肥仔。有心的話贏瑞典不難，但已唔需要，至於若德國是次名，肯唔肯16強就拼德國，真係唔知。但若想輸，輸俾有所求的瑞典非常易。

烏克蘭首仗固然走晒樣，但西班牙個陣又確係奇勁！老帥千鎚百鍊下敲定的433，中前場六人覆蓋面大、侵略性強、攻守平衡、元素齊備、有個人亦有整體，靚絕32隊。巴塞絕對核心沙維幾乎全季養傷，現時大把貨賣，最可惜撲點球王簡尼沙利斯後備，遲d飲恨點球大戰不奇。

阿根廷領隊果然有料，知道要成大事根本不能靠列基美，美斯與泰維斯兩大天才才是最大本錢。

法國，外圍賽至今一直保持水準，人腳亦不會變得出任何花樣，若小組出局是理所當然，雖然此組對手已弱得可憐。通寶說「之但係令唔少人更相信八年前有人打假波囉」，咁南韓的表現又會否令唔少人冇咁信佢地四年前係受惠於黑哨呢？相信唔會了，今場有球被入左判唔入嘛，嘿嘿。

此組現時形勢是，若下仗法國贏、韓瑞又打和，三隊同得五分，似足兩年前丹麥與瑞典2-2便可踢走意大利的情況。計法是否如此不得而知，有待賽前看報章解說，韓瑞是否如北歐兄弟般好默契當然亦要睇過。

總括而言，今屆比想像中好睇好多喎！