.

因為海報上leonardo de caprio的眼神太吸引，所以，一早決定會看娛樂大亨，亦決定不分青紅皂白都要大讚一番。睇完，發覺，可以讚既，就真係得de caprio囉，當然，勉強仲可以讚第二位同佢糾纏的女角好正，不過靚女幾乎部部戲都有架喇。

佢那個眼神點正？鋒銳，狂暴，神采，深沉，穩如磐石，兼而有之。而整套戲，佢都不斷用不同的眼神在演，所以，雖然套戲冇料到，我都好滿意。

至於套戲，一如導演個人，就是悶，悶，悶，毫無神采與魅力，無亮點，無高潮，無結尾，當然有些細節會幾有趣，綜觀來說絕對唔難睇，但睇完得倒d乜？有乜啟發？會否改變了情緒？有乜會令你印象深刻（除左男主角的演出）？無，乜都無。