係囉！咁至係波！

強力推介！小踢的<咁先至係波—咁先至係賀年歌>RadioBlog！

「大話西遊」，是小踢的特別推薦，當然正正！是否90-91的作品呢？林老夕，少見大長篇，但當年皇后大道東一碟內為羅大佑填的「青春舞曲」唔知乜版，講香港，長而更勁，氣勢逼人，已知此子有Heart時創作力無窮無盡！

阿Lam「狂歡」，原曲是來自法國作曲家聖桑的「狂歡節」，旋律華麗繽紛流暢，搖身變成粵語歌，冇得頂！不記得是否阿Lam主演的「鬼馬智多星」插曲，但此片中段一幕大混戰，岑建勳在鋼琴彈的正是「狂歡節」！

樂隊「新風雲」的唯一一張大碟，更是我生平至愛之一，由王利名主導音樂、加上蔣志光、陳少偉組成，創作水準高得驚人，可惜和舊風雲一樣來去匆匆。「長恨歌」正是當年大碟的主打歌，但和其他多首相比，差遠矣！但居然還有人記得他們，已好感動！

乘風破浪，唔駛講喇！溫拿那首，開頭把聲係霑叔啦掛？

仲有，RadioBlog頭兩首，有小踢開金口賀年架！總之呢餐開年歌冇得頂，未聽快聽！

http://sidekick.myblog.hk/archives/2005/02/08/400/trackback

順帶一提，下面首歌是陳少琪作品，阿Lam主唱。