.

寫過了我的100。但還有無限的100題材。某寫了100個缺點。某寫了今年的100事。某寫了中學的100事。

我都想寫d另類100。身處再低幾度的新界，就應應景，寫禦寒100法罷。

1.首選，當然是攬住個人。
2.最好係異性。
3.當然，有人寧願係同性。
4.呢個人體質比你溫暖的就更好。
5.表面體積大的會比較好攬。
6.總結上兩點，大抵男的會較好攬，比較暖。
7.當然，攬住個令我血脈蕡張的美女，會好熱好熱。
8.所以下一項係做愛。但不是長治久暖之法。暖一輪咁喇。
9.之後都係回歸1，或縮在羽絨被內。
10.攬住其他生物，貓，狗之類，都會暖d o既。
11.暖水袋就更不可缺。
12.電氈，暖爐之類唔駛講喇。
13.熱水都係一大法寶，要物盡其用。
14.浸熱水浴，落有辣椒成份的浴粉。
15.經常用熱水浸手。
16.飲熱水。
17.唔好飲凍o野。
18.應采兒好靚。（離題，唔駛理）
19.用風筒吹自己。
20.吹衫。吹被。
21.運動實會慶。所以要保持郁動。
22.在街上食風時仲慢慢行？跑喇唔該，既可慶d，又可快d回到室內。
23.識功夫者，紮馬，站樁，練氣都有助血氣運行。
24.飲酒。唔好啤酒喎，白蘭地喇。
25.食煙。吸暖煙入肺。
26.穿襪。一對唔夠就兩對。焗到慶為止。
27.食辛辣o野。
28.食蛇羹。
29.燒自己的心火。慾火，怒火，戀火，妒火，乜都好。
30.家有射燈的話，開晒佢。好熱的。
31.若衫褲被不夠，不妨「攝」些報紙在身體與衣服之間。窮人秘方，好暖的。
32.似乎唔夠料寫100項喎。
33.咁，算喇，反正其實最管用的都係第1項。其他是陪襯而已。
34.有呢項就夠晒喇。
35.我冇，希望你地有。
36.晚安。