過猶不及，巴塞上季沉迷進攻致被車路士踢出局，今季汲取教訓後，已遠為注重佈防，昨晚更居然比車路士更車路士，主場大玩910、911戰術，連伊度奧都打後衛！於是一連兩晚兩場0-0，悶到嘔血（所以阿歌德絕對唔駛因錯過呢場波而發奮寫仆囉）。

阿仙奴限於實力、體力兼且作客，只求力保勝果可以理解，但巴塞體力無礙（聯賽取消）、攻力上乘兼對手又老又傷又疲兼已半放棄兼在主場，兼只是領先一球，都可以龜縮如此，縮到對手連史譚都可不斷上來進攻，我挑！不知最憎龜縮足球的巴塞口水部長告魯夫睇見有何感想。

當然，勝者為王，捧盃大過天，只能話佢地悶，無可能話佢地錯，不過這種觀賞性為負值的賽事，下季肯定慳番唔駛裝NOW囉。