通寶講熱刺唔夠薑，入倒前四，都可能步拖肥糖後塵。其實英超四強以外的球隊，有得打外圍賽都係預左出局o個隻，而熱刺畢竟只是熱刺。

之但係韋根真係好勁，好勁—季初第一場對車仔居然佔上風，個個以為虛火，點知打到而家仍然真金白銀，乃廉價版車路士！其防守反擊打法，去到歐洲賽一樣可用；我唔信佢地會水皮過杜安、柏沙卡囉。

未來賽程表面上更惡哽，但列強要兼顧歐聯、聯賽又基本上大局已定，本身又有拼車仔而贏形勢之往績，會怕誰來？

其實從未看過他們完整一場波，不過據說陣式與99年之曼聯類似，而肯定不是歌德懷念的溫布頓式打法囉。升班馬虎頭蛇尾見怪不怪，希望他們繼續好好睇睇吧，英超，唯一有d睇頭就係呢d估佢唔倒架喇。

博奕論，上期壹仔，大教授同社長都有講及。正如大教授在結尾所說，諾獎可沒有說明是要頒給能解釋世事者；而西方學術傳統亦如是—不一定實用的才會被表揚，純有趣的也可以啊。話明是game嘛。

而且諾獎無數學獎，於是數學家要拿就是拿經濟獎了。

前日日馬，星運爵士與快意駒一對丹山子嗣雙雙爆冷，丹山已逝，此情此景重演機會越來越少矣！黯然神傷。

鄭雨滇今季勇不可擋，尾場太陽帝國爆冷，上季一樣是初出即勝、因為是濕地所以命中。但方駿輝早斷言此駒快地威力不減，是以勝出不感意外，不過沒看該場排位，無緣再中了！