半主全客

昨天蘋果的塔羅牌，又中盤。今日俾德國，但只係作者意見，同佢幫捷克抽到的牌根本不符，完全自己老作。但，鬼知係佢旺定係塔羅牌準？有時D報紙位的旺弱好靈，一版馬經，就算係同一人寫，有D位貼乜中乜，有D就貼乜死乜。

咁，話之佢啦。我就認為，如果德國贏梗，又點會只讓半一？荷蘭並未絕望，但首先要贏，勿忘拉國一樣有出線可能，而生死關頭荷蘭通常信不過。

假如你認為德國贏，咁，不如搏埋荷蘭輸，因為只要末段知道德國領先、出線無望，佢地就會散晒，輸埋不奇。德國半場已領先兩球的話就更加。所以，我會買埋條半荷全拉，41倍。